అయితే నా అనుచరుడిగా ఉండు
లేకుంటే
నా వ్యతిరేకి అనుచరుడిగా ఉండు.
అయితే
వైవధ్యం పేరిట వెనుకబాటును కావిలించుకో.
లేకుంటే, ఏకత పేరిట ఏదో ఒక మతం నీడకు చేరిపో.
మధ్యలో
ఇదేంది నువ్వు నువ్వుగా ఉంటున్నావు?
అంటున్నారు
ఇరువాగుల మనుషులు!
*
ఓర్నీ,
ఇదా మీరు. ఒకేసారి ఇద్దరితో, ఇందరితో యుద్ధమా?
మిగిలిన ఈ
విరిగిన రథ చక్రం ఒక్కటే ఆయుధమా?
*
ఛెళ్, సాగనీ పోరు.
ప్రతిసారీ
ఒకేలా ముగియదు యుద్ధం!
ఈసారి ఈ పద్మ
దళాల్ని చేదిస్తాను, నా దారిలో నేను!
No comments:
Post a Comment