Sunday, July 29, 2018

24. వెంటాడే పద్ధతి



ప్రయత్నించావా, పద్దతి వెంటపడుతుంది
దూకెయ్ నీళ్లు లేని సముద్రం లోనికి
దేవతలు పారేసిన తాడు పట్టుకోకు దా
మెడకు చుట్టుకుంటుంది, గాడిలో పడిపోతావ్
యెలాగూ దూకేశావు, బతికే వున్నావింకా
తవ్వు తవ్వు బాగా తవ్వు యెప్పటివో దిబ్బలు
వొక గొడ్డలి దొరకొచ్చు యినుపదో రాతిదో
నిన్ను నువ్వు దున్నుకోడానికొక నాగలి దొరకొచ్చు
సింధూ, గంగా మైదానాల్లో
యెక్కడెక్కడ కూలిపోయావో అక్కడ
మళ్లీ మళ్లీ మొదలెట్టొచ్చు
కళలు తిని కళలు విసర్జించే వాళ్లక్కూడా
పనికొచ్చే వొక పద్యం దొరకొచ్చు
పద
గెలిచిన యుద్దాన్ని జతగాళ్లకు వొదిలెయ్
వాళ్లు కావాలంటే
వొక యూజర్ మాన్యువల్ కూడా పడెయ్
నువ్ మళ్లీ అడవులు పట్టు, వర్జిన్ అడవులు
వొద్దు పద్దతి, ముఖ్యం తయారై వున్నది
యిప్పటికి బాత్రూంలో తట్టిన జవాబు చాలు
దిశమొలతో పరిగెత్తు
యీ నిజం నిజం కాదని అరుస్తో
11-3-2018

No comments:

Post a Comment