Sunday, October 8, 2017

1. చిరుత

వొక వూయల
నేను వూగానందులో
యింకా వూగుతున్నానో
దానిలోపల నేను
నా లోపల అది
యినుప పూవుల వూయల
యెప్పటిదో యెన్ని తరాలదో
బహుశా అందులో వొక పాపగా
అమ్మమ్మ వూగి వుంటుంది
అంతే వూళ్లు
అరుగు మీద దంతెలకు కొక్కెం
వున్నది వూయల తాళ్ల కోసమే
యినుపది కదా
వూయల అక్కడ అలా వుంటుందంతే
నేను దాని లోంచి నిద్దర్లేచి వచ్చేశాను
వూయల వూగుతూనే వుంటుంది
దాని తాడు లాగుతూ
అమ్మ జోలపాట పాడుతూనే వుంటుంది
దాని లోంచి నిద్ర లేవడానికి
వొక పాపాయి మనస్సు
పొంచి చూస్తూనే వుంటుంది
రక్తమాంసాల పొదల్లో చిరుతపులి వలె.
4-10-2017

No comments:

Post a Comment