Monday, September 18, 2017

చీమిడి ముక్కు చిన్నోడు


నాకు సొంతం అంటూ యేమీ లేదు
అసలు నేను వున్నానో లేనో తెలీదు
అప్పుడప్పుడు వొక గుడి ముందు నిలబడి
వురేయ్ అని కాతర స్వరంతో పిలుస్తాను
అప్పుడెవడు చీమిడి ముక్కు చీదుకుంటూ
బయటికొచ్చి వెక్కిరిస్తాడో ఆ పిల్లవాడే నేను
నీకు నేనులా కనిపించే యింకేదీ నేను కాదు,
నీకు కనిపించేదంతా నువ్వు చూసేది మాత్రమే,
అది నేను కాదు
యింకా నాకంత వయసు లేదు,
మరీ అంత జ్ఞానం లేదు, తెలసుకోడంలో వున్న
ఆనందం మరెందులోనూ లేదు. తెలిసిన వాడు
యింకేం తెలుసుకుంటాడు సా ... నాకు తెలీదు.

18-9-2017


No comments:

Post a Comment